Ректор

Иманғалиев Асхат Сәлімұлы – ғалым, педагогика ғылымдарының докторы, профессор, академик.

1953 жылы 21 тамызда Гурьев қаласында дүниеге келген. 1975 жылы Гурьев педагогикалық институтының тарих факультетін тәмамдаған. Алғашқы еңбек жолын 1975 жылы Гурьев теміржол қатынасы техникумының тарих пәнінің оқытушысы болып бастаған. 

Жоғары мектептегі ғылыми-педагогикалық қызметі 1979 жылы Гурьев педагогикалық институтының педагогика және психология кафедрасының оқытушысы лауазымымен басталды. 

1982 жылы ол Алматы қаласының Ы.Алтынсарин атындағы педагогика ғылымдарының ҒЗИ аспирантурасына жіберілді. 1985 жылы кандидаттық диссертациясын сәтті қорғап, Гурьев педагогикалық институтының аға оқытушысы ретінде қызметін жалғастырады. 

1987 және 1989 жылдары Гурьев педагогикалық институтының мектепке дейінгі оқу және тәрбие факультетінің, тарих-филология факультетінің деканы болып қызмет жасады. 

1989-2000 жылдары Х.Досмұхамедов атындағы Атырау мемлекеттік университетінің ғылыми жұмыс жөніндегі проректоры, 2000 жылдан бастап осы университеттің ректоры болып тағайындалды.

1997 жылы А.С.Иманғалиев профессор ғылыми атағын алады. 1999 жылы педагогика ғылымдарының докторы ғылыми дәрежесін алу үшін жазылған диссертациялық еңбегін қорғайды. 2008-2009 жылдары Х.Досмұхамедов атындағы Атырау мемлекеттік университеті ректорының кеңесшісі. 

2009 жылдың наурыз айында «Каспий өңірі Академиясы» Қоғамдық Бірлестігінің төрағасы болып сайланады.

А.С. Иманғалиев Әлеуметтік ғылым академиясының мүшесі (2000 ж.), «Қазақ білім академиясының»  академигі, (2006 ж.). Ол 100-ден аса ғылыми жарияланымдардың, оның ішінде 3 монография мен 2 оқулықтың авторы. 

Асхат Сәлімұлы – белсенді қоғам қайраткері. 1999 жылдан 2004 жылға дейін Атырау қалалық мәслихатының депутаты болып, кейін Атырау облыстық мәслихатының депутаты, «Нұр Отан» партиясының Атырау облыстық  Саяси Кеңесінің мүшесі болып сайланды. 2005 жылы Қазақстан Республикасы Президенті сайлауында «Отан» партиясы жанындағы Атырау облыстық қоғамдық штабының төрағасы, 2007 жылы Қазақстан Республикасы Мәжілісінің сайлауында «Нұр Отан» партиясы жаныңдағы Атырау облыстық қоғамдық штабының төрағасы болды.

А.С.Иманғалиев 2005 жылы Қазақстан Республикасының білімі мен ғылымын нығайту жолындағы сүбелі еңбегі үшін «Парасат» орденімен марапатталған. 

Сондай-ақ А.С.Иманғалиев келесідей:

«Қазақстан Республикасының білім беру ісінің үздігі» (1998 ж.), «Қазақстан Республикасының білім беру ісінің құрметті қызметкері» (2003 ж.), «Қазақстан Республикасының ғылымын дамытудағы үлесі үшін» (2007 ж.), «Каспий өңірі ЖОО Ассоциациясына 10 жыл» (2006 ж.) төсбелгілерімен және Ы.Алтынсарин атындағы (1991 ж.), А.Байтұрсынов атындағы (2003 ж.) медальдарымен, «Қазақстан Республикасының тәуелсіздігіне 10 жыл» (2001 ж.), «Қазақстан Республикасының Конституциясына 10 жыл» (2005 ж.) мерейтойлық медальдарымен марапатталған.

2011 жылдың шілде айында М.Өтемісов атындағы Батыс Қазақстан мемлекеттік университетінің ректоры лауазымына тағайындалды.

МӘЛІМЕТТЕР ҚОРЫ

Frontpage Slideshow | Copyright © 2006-2012 JoomlaWorks Ltd.

СЕРПІН-2050

  • edu2050

IT-ПЛАНЕТА

it-planet

ВИРТУАЛДЫ ТУР

БАЙЛАНЫСТА БОЛ